Ons eetsaal bied goed-gebalanseerde en gesonde middagetes teen ‘n baie billike prys, behalwe op Saterdae en openbare vakansiedae word wegneemetes voorsien. Sosiale funksies op ‘n gereelde basis word in die eetsaal gehou, naamlik Valentynsete, Moedersdagetes, Vadersdagetes, buite braai funksies by die lapa, sop en sjerrie, tee partye, Kersete, ens.

Ons Protea Aftree-Oord Heuwelsig Sorgsentrum bied 24-uur liefdevolle sorg en verpleging aan, met ‘n warm, higiëniese en huislike atmosfeer teen ‘n redelike daaglikse tarief.  Kort- en langtermyn verblyf is beskikbaar vir inwoners.

Buite-pasiënte is ook welkom by die versorgingsentrum. Vertrou u geliefdes tydens vakansie en ander geleenthede onder ons sorg. Ons bied gemoedsrus aan u en u familie.  U gesondheid is vir ons belangrik.

Die Unitas Hospitaal en die 1 Militêre Hospitaal en apteke is geleë in die nabyheid van die Protea Aftree-oorde Heuwelsig.

Ons bied ‘n streng 24-uur toegangsbeheer met net een ingang na ons aftree-oord. Ons het ook sekuriteitspersoneel wat die aftree-oord patrolleer in die nag.  Die omtrek van die aftree-oord is omhein met ‘n elektriese heining en sekuriteit word gemonitor deur ‘n hoogs geakkrediteerde sekuriteitsmaatskappy en gewapende reaksie-eenheid.

Elke eenheid in ons aftree-oorde word voorsien van ‘n afstandbeheerde Paniekknoppie. Wanneer dit gebruik word, registreer dit by die Sekuriteitskantoor en Sorgsentrum wat hulp verleen aan die eenheid.

Die veiligheid van ons inwoners is een van ons grootste prioriteite en ons streef daarna om ‘n vreedsame en veilige leefstyl te waarborg in ons aftree-oord.

Ons bied die volgende sosiale funksies aan by ons aftree-oorde:

• Spesiale middagete , gassprekers en vermaak;
• Sosiale kuiers;
• Fliek- en musiekaande;
• Uitstappies na teaters, tuin uitstallings en meer;
• Bingo en mini-gholf.

Vir meer inligting oor ons aftree-oorde, kontak ons gerus.

Daar is ‘n maandelikse heffing, vooruit betaalbaar, wat gedoen word deur middel van ‘n debietorder. Die bedrag word bepaal met goedkeuring van die begroting vir die volgende jaar by die Algemene Jaarvergadering.

Die heffing sluit die volgende in:

• Water, riolering, vullisverwydering en gemeenskaplike elektrisiteit;
• 24-Uur toegangsbeheer en addisionele nagwag en patrolleringsdienste;
• Weeklikse huishoudelike skoonmaak en tuin dienste by die eenhede
• Onderhoud van die buitekant van die eenhede en al die gemeenskaplike gebiede en tuine;
• Versekering van alle strukture, insluitend geisers;
• 10 Weekdag middagetes per maand
• Vervoer na die winkels twee keer per week
• Administrasie van die aftree-oord se sake insluitende invordering van heffings ens.;
• Bestuur van die Oord;
• Maandelikse rekeningkundige en boekhouding dienste.

Daar is ‘n maandelikse bedrag betaalbaar vir grondbelasting aan Stadsraad. Dit word bepaal deur die Stadsraad en is gebaseer op die waarde van die eenheid.

Elektrisiteitsverbruik word met maandeliks meterlesings bereken deur die Bestuur en is betaalbaar aan Protea Aftree-Oord Heuwelsig.  Die bedrag betaalbaar verskyn op die heffingstaat wat maandeliks uitgereik word.

Die gebruik van die Sorgsentrum word afsonderlik gehef en die koste is bo en behalwe die bogenoemde.  Inwoners het wel ’n kostevoordeel omdat hulle aansienlik minder betaal as buite-pasiënte. Koste van versorging van verswaktes kan verkry word deur die administratiewe kantoor op aftree-oord te kontak.

Ons bied ‘n streng 24-uur toegangsbeheer op ons aftree-oorde met net een ingang en sekuriteit wat patrolleer in die nag. Die Oord is met ‘n sekuriteitsheinings en ‘n geëlektrifiseerde heining omring. Die sekuriteit van die Oord word deur ‘n hoogaangeskrewe sekuriteitsmaatskappy met gewapende reaksie gemonitor. Elke eenheid word van ʼn afstandbeheer noodknoppie voorsien. As Paniekknoppie gebruik word registreer alarm by die Sekuriteit en Sorgsentrum dat hulp nodig is in die eenheid. Die veiligheid van ons Inwoners is een van ons vernaamste prioriteite en ons streef voortdurend daarna om sekuriteit te verbeter om  inwoners ‘n rustige en veilige verblyf in die oord te waarborg.